Tomus dynç alyş möwsüminde çagalar baglarynda gün tertibi üýtgäp, sapaklaryň ýerine gyzyklanma, göwnaçma çäreleri guralýar. Gyzyklanma, göwnaçma çäreleriniň tertibi düzülende, hepdäniň her bir güni döwlet bilim standartyna laýyklykda, çaganyň ösüşine gönükdirilen gyzyklanma çäreleri bilen baglanyşykly bolmalydyr.

Mekdebe çenli çagalar edaralarynda tomus möwsüminiň gyzyklanma çäreleriniň meýilnamasy düzülende, öwredilýän zatlar, oýnalýan oýunlar çagalaryň ýaş aýratynlyklaryna gabat gelmelidir. Milli maksatnamadan ugur alnyp guralýan her bir çäräni gyzykly geçirmek, çagalaryň aňyna ýetirip bilmek, körpelerde gyzyklanma döretmek, olaryň işjeňligini gazanmak çaga bilim-terbiýe berýän terbiýeçiniň döredijilik ukybyna, ulanýan esbaplaryna, taýýarlygyna, yzygiderliligi saklap, dogry guraýşyna baglydyr. Tomus sagaldyş möwsüminiň gelmegi bilen, sapaklara derek gyzyklanma çäreleri geçirilýär. Çaganyň ukusynyň dowamlylygy uzaýar. Ikinji ertirlik girizilýär. Taplama çäreleri ýola goýulýar.

Çagalaryň saglygyny goramak we ony berkitmek her bir terbiýeçiniň esasy wezipesidir. Gyzyklanma çäreleriniň tertibine laýyklykda, bakja toparlarynyň körpeleri bilen hereketli oýunlar, gyzyklanma çäreleri, aýdym-sazly göwnaçmalar, duýgulary ösdürmek üçin öwrediji oýunlar ýaly çäreler hepdäniň dowamynda gezekleşdirilip guralýar. Bag toparlarynyň körpeleri bilen hereketli oýunlar, gyzyklanma we aýdym-sazly göwnaçma çäreleri, many-mazmunly oýunlar, ertekiler dünýäsine gezelenç ýaly gyzyklanma çäreleri çagalaryň ýaş aýratynlyklaryna laýyklykda bölünen toparlarda hepdäniň dowamynda gezekleşdirilip guralýar.

MahabatTürkmenstandartlary Baş Döwlet Gullugy

Ösüp gelýän ýaş nesle döwrebap bilim-terbiýe bermekde biz — bilim işgärleri mundan beýlägem yhlasly zähmet çekeris. Ata Watanymyzyň gülläp ösmegi, halkymyzyň bagtyýar durmuşda ýaşamagy üçin taýsyz tagallalary edýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun!

Aýnabat MEDALYÝEWA,
Daşoguz welaýatynyň Görogly etrabynyň 5-nji çagalar bakja-bagynyň terbiýeçisi.