Bu türkmeniň Lideri siz, Arkadag!

Türkmeniň abraýyn arşa göteren,
Watan diňe siziň bilen, Arkadag!
Gadym ýurda baky bagty getiren,
Watan diňe siziň bilen, Arkadag!

Ýaýlasynda bagt gülleri açylan,
Täleýine ykbal nury saçylan,
Topragyna rysk-bereket eçilen,
Watan diňe siziň bilen, Arkadag!

Pederleriň yzy – öçmejek binýat,
Şäherleri şäherlerine zynat,
Adyňyz taryhda dabaraly at,
Watan diňe siziň bilen, Arkadag!

Bilbillere mesgen bolan baglary,
Bereket eçilýän goja daglary,
Eýýamlar şygar – ajap çaglary,
Watan diňe siziň bilen, Arkadag!

Gowşut ÝAZMYRADOW
Seýdi adyndaky Türkmen döwlet
mugallymçylyk institutynyň talyby