Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy, Goşun Generaly Serdar Berdimuhamedow Döwlet Howpsuzlyk Geňeşiniň nobatdaky mejlisini geçirdi. Onuň gün tertibine ýurdumyzyň Harby we Hukuk Goraýjy edaralarynyň 2024-nji ýylyň ýanwar aýynda ýerine ýetiren işleriniň netijeleri, şeýle hem Garaşsyz Watanymyzda howpsuzlygy we asudalygy üpjün etmek, Harby we Hukuk Goraýjy edaralaryň maddy enjamlaýyn binýadyny has-da pugtalandyrmak, olaryň işini mundan beýläk-de kämilleşdirmek bilen baglanyşykly meseleler girizildi.