Aşgabatdaky Ýaponiýanyň ilçisi Sasaki Hiroşi Täze ýyl gutlagynda Türkmenistanyň raýatlaryna ýaşlaryň arasynda ýapon dilini öwrenmäge bolan gyzyklanmanyň ep-esli artandygyny belledi.

Diplomat, diplomatik wezipede bolmagynyň dowamynda ikitaraplaýyn gatnaşyklaryň işjeň ösýändigini belledi. Ol ýokary derejeli wekilleriň özara saparlarynyň bolandygyny, söwda-ykdysady gatnaşyklaryň pugtalandyrylandygyny anyklaşdyrdy. Mundan başga-da, Sasaki Hiroşi 2015-nji ýyldan bäri ýapon dilini öwrenýän türkmenistanlylaryň sanynyň 50-den 16000 adama çenli artandygyny aýtdy.

Ilçi, täze ýylyň ähli türkmen halky üçin bagtly ýyl bolmagyny arzuw etdi we Türkmenistanyň prezidenti Serdar Berdimuhamedow Ýaponiýa sapar eder diýip umyt bildirdi.