2026-njy ýylyň 15-nji aprelinde Türkmenistanyň Ylymlar akademiýasynyň Halkara ylmy-tehnologiýa parkynda «Sanly ylym» ÝUNESKO kafedrasynyň açylyş dabarasy boldy.
ÝUNESKO-nyň Uniwersitetler kafedralarynyň arasyndaky hyzmatdaşlygy hem-de torlaýyn özara duşuşygy ýola goýmak boýunça Maksatnamasynyň çäklerinde ÝUNESKO bilen Türkmenistanyň Ylymlar akademiýasynyň Halkara ylmy-tehnologiýa parkynyň arasynda elektron görnüşde ikitaraplaýyn ylalaşyga gol çekildi.
Ýurdumyzda ÝUNESKO kafedrasynyň açylmagy häzirki zaman ylmynyň gazananlary boýunça özara hyzmatdaşlygy köptaraplaýyn ösdürmäge hem-de milli tejribäni dünýä giňişliginde wagyz etmäge ýardam berer. Şanly ýylyň taryhy ähmiýetli wakalarynyň üstüni ýetiren bu çözgüt ýurdumyzda ÝUNESKO kafedralarynyň sanyny artdyrdy.
«THE ASHGABAT TIMES».
Teswirler
Entek teswir ýok. Ilkinji bolup pikiriňizi ýazyň.